無論去到世界任何一個地方嘅車展活動，除咗名車之外，美艷動人嘅車模亦會係眾人焦點。無他嘅，事關呢班美女實在非常高質素，舉手投足都能夠散發出攝人魅力，自不然引起男士嘅注意，好似呢次介紹嘅韓國車模黃美姬就係其中一個例子。
作為車模，往往需要出席國際性汽車展覽活動，豈能失禮？所以，呢班女仔都會經過嚴格挑選，樣貌及身材都屬頂級質素，喺入行之前，更需要進行嚴格訓練，否則不但令自己失禮，仲會影響埋所代表嘅汽車品牌形象。在眾多國家之中，韓國車模頗具實力，每次出現都總會成為眾人焦點，好似現年二十八歲嘅黃美姬（中文譯名），擁有標致可人嘅臉孔、豐滿身材，加上修長嘅美腿，副偈簡直係近乎完美，確實魅力沒發擋。
據了解，呢位索女於2006年加入車模界，首次出席一個國際性車展時，憑着出色嘅表現而艷壓全場，隨即引起各大媒體嘅注意，知名度日益攀升，其玉照更於網絡上廣泛流傳，終於令佢成為如今韓國其中一位炙手可熱嘅車模。
其實韓國車模界入面，仲有林智慧及李智友兩大美女，之不過論人氣，始終都係黃美姬稍勝一籌，佢喺網絡上紅爆，更成為萬千網友嘅討論對象，好多亞洲國家及地區如中國內地、香港、韓國或台灣嘅論壇入面，都可以輕易搵到索女嘅相關資料，更被網友譽為韓國美女界清純玉女嘅代表添！人氣旺，自然機會多，所以美姬又會不時兼職拍吓廣告，睇見索女演出時露出甜美嘅笑容，加上心口上一條無底深溝，男士們點會唔心動呢？
出生日期：1982年1月21日
身高：174cm
三圍：33、24、35
撰文：娟娟