脫星碰面鬥身材、床上鬥功夫，仲有乜好鬥？之唔係鬥跳舞囉！每年呢個時候，美國四仔界例牌推出一系列有關鋼管舞四仔，戲內各路脫星都表演獨門脫衣舞，對住碌柱玩到盡，而近日四仔界更集結一眾脫星開演鋼管Party，成班脫星台上鬥技，淫亂程度仲勁過拍四仔！
每年五、 六月開始，歐美四仔界零舍生猛，雖然嗰邊經濟麻麻，但依然無阻一眾麻甩佬享受人生，四仔繼續要睇，就好似呢個鋼管舞派對為例，原來係幾間大廠特派旗下脫星參加，據講贏咗有現金獎，但對佢哋嚟講，啲錢都唔夠佢哋買胸圍底褲，脫星要嘅正係得到業界認同，贏得鋼管舞后稱號！事關有咗呢個朵，來年推出嘅四仔作品，觀眾必定會搶購，公司自然會識做加片酬，坊間亦會有不少公司搵佢哋出騷，呢啲先係賺大錢！
講番個騷，大概有五、 六間公司會派出脫星參加，或者大家會以為只有一姐至有資格出演，其實任何脫星都可以落場玩，亦由於大部份脫星未出道前都係由艷舞娘轉型，因此幾乎每位脫星對跳舞都可謂駕輕就熟，更有個人獨門秘技，呢個派對正好給機會予脫星發揮。
身為脫星一姐嘅Brea Bennet經已係第三年參加鋼管比賽，奈何一直與冠軍無緣，不少人認為阿妹嘅跳舞技術精湛，能挑起男人性慾，但當事人反而唔太認同，Brea Bennet解釋：「行外人以為脫衣鋼管舞係一種公式舞蹈，只要學識基本功就可以搵食，但其實鋼管舞會隨住潮流演變，不同時代有不同轉變，例如以前會要求舞者表現一種被虐傾向，台上玩自摸，方能激發起台下男士衝動上台玩愉虐，而漸漸又轉變到着重高難度大動作，舞技不斷變化！」
撰文：祖