問：本人向來有北上飲酒嘅嗜好，當然係有女陪嗰種啦！有次同幾個老友去咗深圳一間夜總會消遣，當時大家都有美女相伴，玩得鬼咁開心，之後愈玩愈癲，冇幾耐啲女仔已經剝晒光豬，我仲攬住兩個裸女上下其手，認真過癮。不過，期間有個朋友一時貪玩，拎部手機拍下大家玩樂嘅情況。初時我都冇乜感覺，但事後愈諗愈驚，事關我擔心有人會將呢啲片放上網公諸同好，究竟我依家應該點做至好呀？
答：網絡上有好多情慾短片，其實都係啲朋友一時貪玩拍下，呢種風氣似乎有增無減，情況令人擔心。老實講，出嚟玩嗰陣，無論係拍人哋玩又好，抑或玩自拍都好，同樣唔係一件好事，一來好多人都係瞞着女伴出去滾，又或者趁公幹時間順道找尋刺激，若然遺失咗部手機，又或者被人惡意整蠱，將片段上載到網絡，一傳十、十傳百，被發現之後，到時真係水洗都唔清，甚至對家庭、事業帶嚟嚴重影響。建議你都係叫拍攝者拿拿臨刪除咗段色慾短片，免除後患。
撰文：娟娟