小嘉比：小妹有一個急切嘅問題想請教各位，希望大家能幫幫忙。小妹跟男友同居兩年，近日一個好姊妹因家事嚟我哋屋企暫住，點知不出兩日就發現問題，事關我男友似乎對佢有意思，經常細聲講大聲笑，表現親暱，最大問題係，自從姊妹搬咗過嚟之後，我同男友就冇做愛，究竟點算好呀？
長腳豪：老實講，男人就係一種貪新鮮嘅動物，家吓無端端多咗個索女喺屋企，所謂「近水樓台」，難免有機會出現你所講嘅情況，忍吓啦！
笨占：朋友互相幫忙係好正常嘅事，之不過要喺你屋企暫住，仲要係女人，咁對你哋嘅生活可能造成影響，難道你會喺姊妹面前跟男友做愛嗎？
天使珊珊：我覺得你真係好大方，帶另一個女人返屋企，間接畀晒機會男友，就算佢冇做乜嘢，但你可以百分百保證男友未曾對佢有所幻想？依家惟有坦白同你姊妹傾吓啦！