除咗陸上同海上活動，唔少人都會玩空中玩意，例如係小型飛機、滑翔傘之類，當然，亦有人玩降落傘，享受高空下墮嘅快感。美國更有人從呢種快感之中，尋求更上一層樓嘅樂趣，就係一邊跳傘一邊交歡喇！
撰文：賢
美國一向都自由開放，所以唔少人都會大搞派對，當中梗係有唔少性愛狂歡派對啦！而搞呢類派對嘅地方，除咗有酒店特大套房、別墅之外，亦有泳池、遊艇，甚至去到加勒比海嘅小島度假村。不過，地點如何出位都好，一定唔夠美國Mile High Club，為會員所安排嘅性戰場地咁刺激喇！點刺激法？乘坐小型飛機，飛上高空交歡，夠唔夠激先？冇錯，呢個會專門安排會員坐小型飛機，去到高空大玩空中銷魂。玩家可以請佢哋嘅專業機師幫手，將自己同愛侶帶上高空，繼而一邊欣賞高空美景，一邊於機艙內激烈交歡，感覺一定無以上之。如果玩家自己有飛機駕駛執照，就可以更加刺激，甚至稱得上係玩命嘅玩法，就係一邊揸飛機一邊同愛侶交歡喇！
大家都知道，飛機萬一失事，無論機師或乘客都九死一生，所以一邊揸飛機一邊交歡雖然係夠激，但係好容易因為過程太大動作而誤觸控制桿，咁就真係死路一條喇！不過，仲有一種夠激嘅玩法可以取代，就係同愛侶齊齊揹上降落傘，然後拖住手，一二三攬住跳下。大家受到地心吸力帶動而急速下墮之時，期間仲可以急急忙忙除褲，繼而嚟一個空中合體！當然，下墮中要捉得實對方，同時又要擺好炮台發炮的確好考工夫同合作性。另外，亦要捉緊打開降落傘嘅正確時間，一個唔留神興奮到唔記得拉掣，就會不幸地變作殉情自殺了！