內地夜場家陣興玩制服誘惑，講起呢啲制服，有朋友就話夠晒吸引，能挑起內在無限慾火，但亦有朋友話多此一舉，上到房都係要囡囡剝光豬，仲着制服嚟做乜？最令佢哋唔舒服嘅，就係囡囡啲制服未必啱身，部分仲有陣陣臭味添！
撰文：小德
今日就搵嚟夜場經理成哥，等佢講吓囡囡身上制服嘅秘密。成哥話：「由於間間夜場嘅實力都唔同，所以就算話係公司搞制服誘惑，啲制服由邊個出錢都會好唔同，有啲場會全部由公司出錢，囡囡只要去人事部領取就可以，而且有兩三件替換，之後制服嘅清洗同修補都係公司搞掂，但亦有好多公司係代囡囡做制服，之後要佢哋畀錢去買，呢啲情況嘅制服都會比較整齊劃一。」
點解有部分夜場囡囡嘅制服，不特止唔劃一，仲有啲破破爛爛，甚至發出臭味？成哥話：「呢個情況九成係公司連代訂都唔做，總之話搞睡衣之夜，就叫啲囡囡着套睡衣返嚟，於是十個人咪着咗十款唔同嘅睡衣返嚟囉！想佢哋整整齊齊都幾難啦！」
成哥繼續話：「於是有啲經理就會教導囡囡，應該買啲乜嘢返嚟，就好似性感透視睡衣加一套名牌內衣，最平都要幾百蚊，啲囡囡要打皮，你話佢哋會買幾多套嚟替換吖？小部分當紅阿姐就會買兩套，普通囡囡只要買一套嚟頂檔，日日夜夜都係着住嗰套制服，想唔殘舊都幾難。清洗方面，囡囡收工之後肯洗一下都好啲，萬一太攰冇洗又或者落雨唔乾，第二日客人就可能聞到制服上嘅陣陣異味囉！」
有啲客人好喜歡囡囡着制服，甚至連親密接觸時都要佢着住，咁會唔會令制服仲污糟啲呢？成哥話：「呢層一定會啦！」唔想中招有乜嘢辦法呢？成哥話：「最好幫襯啲大場，另外，選秀時要睇吓囡囡啲制服係咪整齊劃一，咁就代表唔差得去邊嘞！」