好彩條友仔飲醉之後就不省人事，瞓咗喺條女嘅大髀就冇晒反應，之後另一個飲醉咗就喺度不停鬧人，我同兩個朋友自然醒目，唔去惹佢，但佢就鬧其他人，期間仲想打另一條女，囡囡嘅男伴當然出手保護，於是嘈起嚟，期間互有推撞。
條女喺度返工，自然亦不甘示弱，馬上吹雞叫駐場打手嚟處理，三分鐘唔使，就衝入十個山東大漢，一嘢就抬咗條友仔出去，至於去咗邊就冇人知？可能落咗後巷畀人打一身啩，所以話酒量唔好，真係要小心，之後主任亦好識做，馬上入嚟道歉。
主任為表歉意仲簽咗打啤酒醒我哋，本來多成打啤酒，大家開心至啱，但見到兩人飲酒飲到出晒醜，仲敢飲咩！都係叫囡囡攞手袋，轉場地再戰好過！
撰文：大軍