「弱雞」讀者來信：小弟今年三十五歲，最近同女友曳曳嗰陣，總覺得有啲力不從心，後嚟透過朋友介紹，到內地一間診所做檢查，報告竟指出我有死精及精子畸形嘅問題，當時真係有啲嚇親，事關我不嬲都冇乜病痛。如果想以食療改善，有啲乜嘢有效嘅食物可提供？
答：從醫學角度來看，精子質量嘅高低，除咗可以反映出男人有冇生育能力，仲會直接影響到性能力，因為精子出現唔妥，往往暗示身體出現唔同程度嘅毛病。
一個男人嘅精子，由於製造、產生嘅時間不同，過得太耐會出現衰老、死亡或畸形。而所謂正常嘅精子，必須符合能定向運動、能爬高五厘米或以上等條件，畸形嘅精子不宜超過百分之二十，太多病態或死亡精子，亦顯示前列腺有毛病（蛋白成分不足）、精囊毛病（所存精液酸性過強，戕害精子活力）。
一般嚟講，要強化精子嘅活力，最好食用含豐富維他命E嘅食物，最常見為蜂蜜，更可提升身體抵抗力。除此之外，你亦可食用黃豆製品、芝麻製品或葵花子、開心果之類食物。蔬果之中，茄子、粟米、提子都含好豐富嘅維他命E，對改善性能力有一定幫助。
撰文：陽起子