問：本人一個月最多上內地夜場玩一次，通常以夜總會為多。以往囡囡想人客事後多畀小費，勢必會服務加倍努力，皆因佢哋都明白一分耕耘一分收穫呢個道理，但近年我發覺囡囡愈嚟愈練精學懶，令我好討厭，但置身當中你又唔畀唔得。
好似對上一次，囡囡有意無意透露尋晚個台灣客好闊綽，畀咗幾多小費，跟住茶舞又遇到個港客畀咗幾多幾多。作為男人始終要面子，遇到呢種情況，想唔畀又怕醜，畀又谷氣，請問有乜方法可以破解而又不破壞當時氣氛呢？
答：遇到嘅「屈小費」情況，喺內地夜場非常流行，甚至可以話係囡囡入職第一樣要學嘅規矩，以我所知，河南及湖南妹最愛用此招，假設囡囡知道你係港人，結尾例牌會補句：「你哋港人最好，唔似得啲台灣佬，Cheap到死，畀一百小費就當自己係大爺……」
遇到以上情況，最有效方法通常係扮耳聾，假如你跟住囡囡所講接落去，對方可以話食硬你，到時愈屈愈多，就算免費畀你執多劑，肯定你都無胃口食，相反扮聽唔到同時講笑帶過，囡囡自然知道人客有所防備，再死纏落去，到時反被對方投訴，好可能仲要向夜場賠錢添。其實囡囡小費幾時都係隨心，做得好畀多啲無所謂，亂咁畀只會搞亂檔，到時受苦嘅係玩家。
撰文：祖