杰信自細就好喜歡金髮女郎，但自十四歲開始識女仔以嚟，一直未識到個金髮嘅囡囡，更唔好話同佢一親香澤。仲有一個星期，杰信就要同佢拍拖三年嘅棕髮女友瑪雅結婚，好友阿標見佢咁可憐，話帶佢去私竇，一於搵件金絲貓歎番下。
嚟到私竇馬上令杰信好失望，因為嗰啲金髮靚女，全部畀唐人街班老闆包晒出街，杰信搵唔到自己「杯茶」，於是一個人離開，開得私竇都係龍蛇混雜嘅地方，杰信離開時都有啲驚。
當行至電梯時，突然有人衝出，原來係個金髮女子，身材出眾，似飲得好醉，一見到杰信，就暈倒杰信懷中，最後只講咗個門牌號碼就失去知覺。杰信喺佢手袋搵到鎖匙，惟有扶佢入屋，囡囡上床後，杰信正想離開，點知囡囡迷糊中拉着杰信嘅手，叫佢唔好走，仲拉杰信埋身邊擁抱，之後仲熱吻起嚟。杰信見囡囡咁熱情，抵受唔住誘惑，於是移船就磡，當撻着咗金髮女郎之後，佢好似女色狼一樣，火速將杰信剝光豬，之後仲騎咗喺杰信身上，開始馳騁天下。
杰信覺得最正嘅就係囡囡瘋狂地擺動金髮嘅表情，係佢三十多年嚟夢寐以求嘅情景，終於可以一償心願。當完事後阿標竟走出嚟，原來呢個金髮囡囡係阿標安排嘅驚喜，杰信十分感動，臨走時仲問咗阿標一句：「下次自己嚟，大約要使幾多錢呀？」
撰文：小德