據了解，公園地方經常見到一啲阿伯喺度打躉，有啲人瞓覺，有啲就喺度吹水，而髮廊妹就以打游擊方式出擊，向阿伯埋手。據朋友所講，呢啲髮廊妹會逐一埋身兜搭，見對方有啲意思就會對佢死纏爛打，總之不達目的誓不罷休，所以間唔中都會有阿伯畀佢哋冧掂。
事實上，大軍都曾經見過有位起碼七十歲嘅阿伯畀個廿零歲嘅髮廊妹氹掂，然後雙雙步入開設於後巷嘅小賓館，話就話小賓館，其實該處並冇招牌，只有一道鐵閘通往樓上嘅房間，亦即係流鶯用作交易嘅炮房。此外，呢啲髮廊妹只有星期日先走出嚟開工，事關佢哋星期一至六都有「正職」，只不過趁住假日，嚟呢度碰運氣，睇吓有冇機會搵外快。
撰文：大軍