任何派對一定唔少得音樂助興，而一啲大型派對，更會請樂隊歌手嚟現場演奏，而一啲專唱派對騷嘅歌手就應運而生，傳聞佢哋喺派對裏面，經常唔好唔食，成為獵女高手。今日就同大家追擊一下！
我哋搵嚟派對騷策劃人兼歌手西門先生訪問一下，問吓佢哋係唔係咁風光？西門話：「以前派對男性話事，無論嚟參加，定係用錢請返嚟嘅囡囡，都係揀手貨，而我哋做歌手嘅，話晒都係藝人，所以特別容易吸引靚女嘅注意。」
一晚可以同幾多個囡囡過夜呢？西門話：「平均都有兩個，有一次興奮過度，竟同六個癲咗一晚。」真係全部都係靚女？西門話：「當時圍住舞台聽歌跳舞，冇一百都有幾十，要揀十個八個靚女，真係完全冇難度，派對完畢，都會揀一兩個去過夜盡興，由於揀得少，每晚不知令幾多靚女失望呀！」
西門話：「現在出錢搞派對嘅全部都係女人，搵嚟嘅女客人，醜女竟佔九成，所以圍住舞台嘅都係豬扒。」咁啲靚女呢？西門繼續：「一般情況，派對負責人同啲靚女，就會圍住啲靚仔舞男嚟玩，剩底嘅豬扒慾火焚身時，就會搵我哋啲歌手同樂隊成員嚟發洩。」
咁咪慘過做舞男？佢冇向負責人投訴？西門話：「由於請我哋嘅都係女人，走去投訴，佢哋反過嚟大大聲話我哋攞晒啲囡囡着數，應該減演出費添！所以話家陣做呢行，真係好惡撈架！」奉勸西門一句，晚晚有免費餐食，豬扒都算啦！
撰文：小德