內地每個桑拿場都有自己嘅一套規矩，每個員工必須遵守，若然犯錯嘅話，好大可能被扣人工，之不過部分高檔場嘅懲罰更甚，囡囡稍有行差踏錯，就算係小問題，不但有機會被減薪，更有可能被即時辭退，絕對冇情講，據講此舉可以令到間場嘅服務質素提高水平。
東莞市開設咗唔少桑拿浴室，形形色色，數目相當之多，當中部分走高檔嘅桑拿場，裝修格局極盡奢華，配套設施完善。當然，羊毛出在羊身上，呢啲場嘅消費指數非常驚人，絕對唔係普通打工仔能夠應付。既然係高級地方，所提供嘅服務梗係比一般細場好，特別係場方挑選技師，以及培訓方面，更加唔會馬虎了事。
曾於東莞一間高檔桑拿任職經理嘅阿勇表示：「喺市內眾多桑拿之中，我工作間場算係最高級嗰種，而消費指數喺同行之間亦係數一數二，但唔少客人都認為貴係有道理，原因好簡單，呢度啲技師都擁有模特兒嘅級數，而且技術全面，所以就算價錢再貴，依然有客人樂意光顧。」
另一方面，原來好多高檔場都有自己嘅內部規矩，員工一旦犯錯，被扣減人工已經算係小事，即時炒魷更屢見不鮮。阿勇舉咗一個例子，話說有次佢同老闆巡房，隱約聽到其中一間房傳來技師嘅歌聲，起初不以為然，到嗰間房嘅客人結帳時，阿勇多口問起，原來個技師同客人親密接觸時，唔知點解突然唱起山歌來。
雖然客人冇投訴，但老闆聽到之後面色一沉，因為個技師待客時唔專心投入會得失客人，所以當晚立即開除咗嗰個技師。阿勇話換轉喺其他桑拿，最多罰錢了事，但呢間桑拿就唔會，因為太多女仔想入間場做，根本唔怕會冇人手。
撰文：娟娟