內地雞頭面對「打風」可謂身經百戰，有乜風吹草動都瞞唔過佢哋雙眼。至於新一代雞頭亦好識保護自己，就好似近年內地酒店興起玩高鐘，對比當年，雞頭例必會於酒店大堂熱情款待嫖友，直至人客安全入閘至會離開，但現時就剛好相反，有嫖友試過由電話預約至完事，都未見過雞頭一眼，全程靠電話聯絡。
嫖客話：「呢個高鐘雞頭係朋友介紹，佢話玩近十次都未見過真身。到我去試玩時，經電話預約後，對方就發個短訊畀我，清楚交代時間地點肉金、囡囡衣着特徵等。後來我好奇問高鐘妹，囡囡自言『入職』第一日開始都未見過對方，每次都係派不同人出嚟交收肉金。」嫖友同囡囡都認為，雞頭之所以咁神秘無非係怕放蛇被拉。以我大軍所知，近年內地跑高鐘都企業化，為咗一條囡囡就衰的確好無謂，惟有乜嘢安全措施都做齊。
撰文：大軍