答：香港人只要有張回鄉卡，就可以租屋嚟住，而租住嘅方法，建議最好就係託物業公司去辦，因為租屋揀樓唔係好煩，最煩就係入住後要辦好多水、電、煤嘅手續，如果委託物業公司，係要畀多一個月至半個月嘅租金做佣金，但可免卻呢啲麻煩嘅申請手續。此外，有些朋友會照用業主嘅申請，繼續享用水電等設施，呢種情況係可以嘅，但要清楚係業主定係上一手租客，如果係租客就建議你立即更換，因為佢哋抽起條筋停晒你嘅水電你都奈佢唔何，但係業主申請嘅，只要準時交費就冇問題，但要查清楚上次帳單嘅結餘，唔可以有大額欠款未交，特別係電話費，因為內地嘅長途電話費可大可小，記緊接手時檢查清楚。
撰文：小德