唔少嫖友喺內地總會有一至兩個相熟雞頭，一來方便搵女，其次係肉金唔會亂收，甚至有人會認為雞頭就係「天文台」，每有風吹草動都會同熟客單聲，其實咁諗就錯晒，事關雞頭只當人客係米飯班主，完全唔會講感情，為咗搵錢，送你一程都仲可以！
有嫖友爆料，喺常平附近有兩條村，出名係港客食快餐勝地，最近查得特別嚴謹，聽聞因為早前有內地人喺度出咗事，所以成為重點打擊地方，搞到嗰一帶嘅髮廊閃閃縮縮，唔敢打開門做生意。喺上星期，嫖友準備上去輕鬆一下，出發前就打電話畀一位經常幫襯嘅雞頭老闆，叫佢留定幾條索女，當入到村後，嫖友見到條街異常清靜，唔少髮廊關晒門，街上又少咗囡囡徘徊，連港客都唔見晒，當去到髮廊門口，老闆反而熱情招呼，嫖友就深感奇怪，於是問對方係咪「打風」。
此時老闆臉色一沉，但仍然笑笑口同嫖友拍心口話冇事，話口未完就拉咗嫖友入室內揀女，更催促對方盡快上房，搞完再去歎茶咁話。
嫖友都深信老闆說話，但由於身上現金不足，於是走去對面街櫃員機提款，呢個時候，嫖友就見到一行五人，穿着迷彩服嘅大漢經過巡邏，望到咁嘅情況，再想到之前街上冷清場面，嫖友認為要小心為上，馬上打的走人。直至去到另一桑拿後問經理至知道，條村真係嚴打時期，對方仲話嫖友好彩，假如被執法部門撞個正着，想返落香港都好難，扣你十幾日，分分鐘連份工都冇埋呀！為貪少少錢，雞頭真係搵命博，但奉勸大家咪盡信雞頭所言，一切行動真係要小心謹慎呀！
撰文：祖