前兩日去咗中山，發現冇嚟兩年，乜嘢都唔同晒，差啲仲蕩失路添，好彩口在路邊，喺步行街行咗個圈，之後見有啲攰，於是搵間台灣茶室嘅餐廳入去坐吓，時間下午三四點，全部客人都係年輕男女，有啲仲攬埋一舊打晒車輪嘅都有。
原來呢啲台式餐廳，最受年輕人歡迎，叫杯嘢飲，可以坐成個晏晝，好過風吹雨打周街蒲，而且呢啲餐廳嘅氣氛情調真係唔錯，啱晒啲情侶嚟幫襯，就算唔係拖友，亦會男一堆女一群咁嚟打躉，講番啲情侶情到濃時，難免會攬埋一齊。
心諗會唔會有地方畀佢哋再進一步呢？於是入去洗手間觀察，發現係男女共用，你喺裏面大啲動作都會畀人發現，於是一定唔會用洗手間，最後忍唔住問啲服務員，仲有冇一啲可以畀人做嘢嘅地方，佢大大聲話有呀！可以租佢哋嘅電腦室。
原來呢啲電腦室係畀客人上網用嘅，裏面一部電腦一張梳化，地方唔算好大，但勉強可以畀情侶親熱一下，於是多口問服務員，有冇人租嚟搞嘢？佢笑淫淫話：「呢啲嘢周不時都有啦，每當裏面播電影播到好大聲，九成係有人喺裏面親熱緊呀！」
撰文：大軍