近年美國人搞嘅私人派對，好多都偏重於女性身上，因為佢哋使得起錢，無論場地、音樂、美酒，都係用最高級嘅，大家咪以為女性顧客嘅酒量，就會比男性嘅差，據資料顯示，女性顧客飲酒嘅種類同數量，已經大幅超越男士。
我哋搵到喺美國負責搞私人派對嘅瑪姬，問吓佢女性顧客點解會比男士仲飲得呢？瑪姬話：「男人搞派對，無非係想呃囡囡上床，所以佢哋就算飲酒，都會飲得比較少，盡量令自己保持清醒，但女性顧客就好唔同，佢哋最緊要開心，就算安排咗舞男搞嘢都好，幾個女仔喺埋一齊，一玩得開心，就會不停咁你一杯、我一杯，直至飲到大家都不省人事為止。」
另外，男性派對嘅女伴，都會飲得比較少，因為佢哋比較緊張之後嘅活動，所以一定要保持清醒，之後仲要好好服侍客人，絕對不容有失；但女性派對嘅男伴，佢哋本身大多飲得，而且成日都會畀囡囡灌佢飲酒，所以飲酒嘅數量，一定會比較多。
囡囡們猛灌啲舞男飲酒，唔怕佢哋交唔到功課咩？瑪姬話：「女顧客嘅派對，會安排埋性服務，但主要並唔係要啲舞男嚟性交，而係搵啲靚仔嚟陪佢玩，例如飲吓酒、跳吓舞，佢哋已經好滿足。」
至於酒嘅種類方面，男性顧客只會飲紅酒、啤酒同干邑，但女性顧客就好廣泛，普通嘅會飲香檳、白酒或帶酒精飲品，至於濃烈啲嘅就會飲伏特加、龍舌酒等。而且一個派對裏面，最少都會有兩三款酒，仲要溝埋嚟飲，真係想唔醉都難！瑪姬話：「啲舞男都投訴架！佢哋話畀人隊冧，比一晚力戰三回合仲要辛苦！大呻呢啲錢唔易搵咁話！」聽落真係幾惡啃喎！
撰文：小德