外界認為歐美四仔千篇一律，劇情大灑鹽花，由頭砌到落尾，毫無劇情可言？為挽回觀眾的信心，由年頭開始，有大廠就推出一個嶄新系列叫「Naked Movie」，希望重振美國成人工業聲威！
呢個名叫「Naked Movie」系列由美國一間四仔片大廠分支開拍，目前已推出共六部四仔電影，網站更表明每月陸續有新作推出市場。至於四仔電影橋段全部改拍自經典大作，例如《捉鬼敢死隊》、《星空奇遇記》、《壯志凌雲》及《超人》等，劇情、時代背景、人物關係跟足原著，但內容加插不少性愛場面，希望各位Fans睇得更投入！
當第一套四仔電影鹹版《捉鬼敢死隊》（Nutbusters）登場後，該系列即成為成人瀏覽器搜尋人氣榜首，連帶戲內脫星都大受歡迎，有份參演嘅脫星Ginna Michael認為該戲製作非常認真，由場景到制服道具都好嚴謹，雖然性愛連場，卻不會太刻意，令觀眾睇得好舒服！至於另一女主角Rachel Roxx亦贊同「Naked Movie」係四仔一大突破，有需要繼續製作同類型電影，阿妹話：「自問我都係靠該電影鹹魚翻生，多咗人留意我演出，因為電影拍得非常幽默，男女演員除咗賣肉外，內心戲都好重要，事關我哋確實係拍攝一套有故事嘅電影！」
Naked Movie口碑滿載，公司有利可圖當然玩大佢，最新一套講警匪追逐嘅四仔電影《Miami Spice》，據說製作費已近千萬港元，拍攝期長達三個月，一啲都唔出奇，皆因120分鐘戲內動用法拉利跑車、豪華遊艇、超巨豪宅，高潮位更有爆破場面。但奇怪係戲內嘅四仔演員居然起用新人，導演解釋並非資金有限，反而係想觀眾更留意劇情及新人演技，以免被大牌脫星搶鏡咁話。而另一套《壯志凌雲》鹹版更出動軍機，喺三萬呎空中穿梭，拍四仔玩到咁盡，相信以後都冇人敢講歐美四仔冇料到！
撰文：祖