家陣日本AV女優嘅出路多咗好多，唔少現役女優已經又拍電影又上電視，更有人寫書同出唱片。最近更有一位阿姐級女優，擔正做舞台劇女主角，仲帶住六、七個囡囡一齊演出，佢就係AV界人氣一姐伊東遙。
十年前做AV女優，一日唔引退都冇得轉型，就算可以轉，成功嘅例子亦萬中無一，但近年情況唔同晒，好多女優未引退已經跨媒體，電視、電影同平面媒體，都會起用AV女優。最近更有投資商搵嚟伊東遙呢位AV一姐牽頭，聯同六七個女優，包括友田彩也香、粟林里莉、古知亞美莉、辰已由衣、成海朱帆等，或AV公司有關嘅香艷寫真模特兒，合作一套以校園為背景嘅舞台劇，仲加入七不思議嘅推理情節。
論名氣伊東遙最勁，理所當然由佢嚟做主角，負責偵破校園內七不思議嘅事件。除咗內容吸引，靚女女優主演絕對係一個賣點，而且個個仲以校服示人，真係諗起都興奮。大家可能會問，佢哋會唔會剝衫演出架？到目前為止都冇話呢套舞台劇係限制級，所以呢點似乎冇咁嘅可能，但會唔會有啲更衣室換衫嘅場面灑少少鹽花呢？咁就真係唔知。呢套舞台劇打算喺四月二至四日公演，每張飛最平都要5,000日圓，即係成四百幾蚊港紙，但據講門票已經賣得七七八八，投資商仲打算開埋日場，如果成功，女優們又多一條出路。
撰文：小德