日本AV片商為咗令新人一出片就有大把碟迷支持，往往會舉辦大型選美活動，經過幾個月女優與碟迷互動，然後選出最受歡迎嘅囡囡，冠軍未出碟已經人氣爆燈。而最近有公司更玩埋幫囡囡改名呢招喺網上谷人氣，據講相當奏效！
撰文：小德
目前，只有幾間大公司會搞選美，但由於投資唔小，通常只係見到有實力嘅新人先會花呢筆錢，至於中小型片商就喜歡玩網上投票，好似中型公司Erotica，就搞咗個「全員參加」嘅活動，碟迷可透過網絡，向佢哋提出建議拍啲乜嘢類型嘅戲，甚至戲裏面要有乜嘢場面，據講有好多碟迷參與。最近Erotica更發掘咗個新人，佢係90後出生嘅囡囡，連名都未知，公司竟然將佢擺上網，要求碟迷替佢改名。碟迷反應十分踴躍，目前有十個名最受歡迎，而第一位嘅就叫做「檜色千佳」，投票者中有兩成人，投呢個名一票。
咁樣搞一搞，本來平平無奇嘅新人，亦一樣畀AV公司炒得火熱，相信當佢推出新片嘅時候，亦一樣會大收旺場。呢個方法認真慳皮，只係喺公司官網裏面自吹自擂一番，就可以將一個寂寂無名嘅新人，炒到好似超級新星一樣，相信其他中小型公司都會照辦煮碗。而原來除咗改名，仲可以將新人嘅「第一次」命運，交落碟迷手上。例如佢嘅第一張碟要大戰幾多回合、每一場嘅對戰人數、用乜嘢招式同道具等，呢啲投票都十分吸引，碟迷只要提過意見，都想睇吓拍出嚟嘅效果，絕對係最好嘅銷售方法。