笨占
唔知係咪後生時夜夜笙歌關係，依家人到中年支炮開始唔聽使。聞說同係色途老馬嘅老友，食咗隻內地壯陽藥後，支炮仲相當好火力，幾乎晚晚開戰都冇甩拖，搞到我心思思想買番嚟補吓，但又擔心藥物唔安全，究竟點算好？
小明
你老友隻壯陽藥係咪安全o架？有冇經過藥物檢定o架？如果乜都冇嘅話，我勸你都係唔好食嘞！萬一食完後有副作用，傷身事小，中毒冇埋條命仔事大，我認為千祈唔好試呀！
山寨王
其實支炮唔聽使，又未必一定係夜夜笙歌所致，可能係同其他原因有關，譬如工作壓力或身體毛病都未定。既然唔知係乜嘢原因，令到支炮戰鬥力不再，倒不如搵醫生做個身體檢查，先至係治本嘅方法。
炳門
乜你冇睇新聞咩？內地嘅壯陽藥唔係咁安全，除非你好肯定佢有經過質檢，否則某啲所謂偏方或秘製成藥，都係唔好試，以策安全。其實人到中年，性能力下降係正常嘅事，你都係節制一下，咁先可以長做長有。