人到中年，身體少不免出現問題，例如體力不繼、精神不振、徹夜難眠，甚至性能力下降等，呢啲都係肝臟出現問題嘅警號，中醫師一再強調中年人養肝嘅重要性，但點樣補養肝臟呢？今日就從飲食方面，講講養肝嘅方法！
撰文：豪
肝臟對含蛋白質、維生素及碳水化合物嘅食物需求比較大，食品方面，蛋、魚、瘦肉、豆製品等都含蛋白質，可以輪流每天進食，方便肝臟吸收。另外，刺激、辛辣、油炸嘅食物，盡量少吃，令肝臟最受罪嘅，就係受污染嘅食品，例如含食物添加劑、防腐劑、漂白劑的食物，千萬不要多食。
另外，枸杞補肝臟，多養肝明目，用嚟泡茶煲湯都十分有用；核桃仁、開心果等堅果，可以疏肝理氣，紓解焦慮，不妨每天吃少許，但不可過量，如果面黃黃同埋失眠嘅朋友，可以每周食一次家禽嘅肝臟，以收肝養肝嘅效果。
講完食物方面，再同大家講講飲料上嘅養肝方法，最重要當然唔好醉酒，有中醫師警告醉酒一次，傷肝一年，要補有排都補唔番，如果你經常醉酒，等同燃燒生命；但如果你有飲小量餐酒或睡前飲藥酒嘅習慣，只要唔過量，其實係有好處嘅。此外，綠茶和菊花茶都對肝臟有益，每天一杯能紓肝解鬱，另外蜂蜜、鮮榨果汁、蔗汁等，都有助增加肝糖嘅儲備量。
最後不能不提嘅係山楂，佢含有熊果酸，能降低動物脂肪喺血管內嘅沉積，生食或者用佢嚟泡茶都對身體好有幫助。如果屋企真係乜都冇，其實每天飲五六杯白開水，都可增加血液循環，促進肝臟新陳代謝，係咪好簡單呢？當然，最好事前問問中醫師嘅意見，咁就萬無一失啦！