家陣做夜總會由於競爭太激烈，如果唔諗啲噱頭，真係好難做落去。好似位於廣東三水就有間夜總會，開咗三年，因為作風保守，終於做唔到落去，後嚟有個廣西老闆接手，生意馬上火爆起嚟，佢用咗乜嘢方法咁犀利？好簡單，就係玩剝衫！
由於當地有關單位執法較嚴，唔似東莞惠州一帶，你玩光豬坐枱都冇問題，夜場除咗制服誘惑，都冇乜嘢新招可以使出，之前個場更乜嘢招數都唔用，當然畀競爭對手打到一仆一碌，後嚟新老闆上場，覺得冇噱頭就冇生意，於是決定挑戰法例極限。
佢首先換咗一批年輕靚女做三陪，個個都要跳得唱得玩得，樣子身材當然要好啦！最重要仲係要佢哋夠開放，玩到興起仲可以玩埋剝衫，只着住胸圍底褲，繼續又跳又唱。喺度先補充一下，原來家陣啲90後囡囡，唱歌唔興坐喺度唱，而係跟住MTV又跳又唱，跳到身水身汗就會剝衫，有時就算喺啲KTV店，都唔介意以內衣示人，所以叫佢哋喺夜總會嘅VIP房咁做，佢哋一啲都唔會介意。
但一間中型場，最少都要有五、六個小姐，全部要年輕90後，有時都幾難搵得齊，於是一啲肯剝嘅中女，就畀佢哋留低，於是全場囡囡大玩「即興剝衫」，客人當然興奮，呢個活動一推出，客人馬上爭住嚟幫襯，有人會問囡囡剝晒衫褲算唔算犯法呢？
老闆話問過專家，家陣嘅女性內衣，好多都可以着出街見人，喺VIP房點解唔得，只要仲有內衣着住，都唔算裸露身體，當然老闆講嘅道理，有少少捉字蝨，但其實由齋唱齋坐，到光豬坐枱，中間仲有好多空間，等住夜場去變化，好似今勻剝外衣以內衣示人，話唔定有夜場諗到剝內衣着外衣坐枱呢？所以話只要肯用腦，逆境都可以逢生，加上努力嘅話，最後就一定能取得成功！
撰文：小德