唔知大家係為咗乜嘢而落吧呢？睇波定劈酒？而我娟娟嘅答案係聽歌，事關家吓好多大場都設有駐場Live Band，好似呢次介紹嘅沙尖咀一間大場咁，一班Band友音樂造詣高超，索女歌手唱功一流，真係令人聽出耳油架！
嚟到赫德道嘅「M1 Bar & Lounge」，唔少朋友一早就霸定個靚位等開騷。呢間酒吧面積相當大，設有多個梳化區，各有不同特色，配以獨特嘅裝飾及燈光效果，令酒吧變得更有格調。而場中設有一個大型舞台，用作舉行不同類型嘅活動，除咗Live Band Show之外，更經常與酒商合作舉辦歌星表演或遊戲活動等，仲有駐場DJ打碟，大大提升玩樂氣氛。
幫襯開嘅朋友，相信都會知道呢間酒吧嘅Live Band Show不嬲都咁受歡迎，原因相當簡單，一班專業Band友功力深厚，而且演出經驗豐富，唱功更係超班，絕對唔會有悶場。
呢晚遇到駐場樂隊「Bizboys」，成員包括Jacky、Ivan、阿輝、熊仔及靚女Eman，不經不覺佢哋已經替酒吧工作咗三年多，唔少客人都係佢哋嘅Fans，每當樂隊出騷都會專程走嚟捧場，以表示支持。據了解，樂隊無論中西音樂或新舊歌曲都會玩，相當犀利！另外，索女Zita亦係不時到酒吧演出，唱英文歌超掂。有興趣嘅朋友，不妨落吧支持吓啦！
Live Band演出為逢星期二、四，時間由晚上十點三十分至凌晨兩點三十分。
酒水方面，Happy Hour為$90，Normal Hour為$210。
撰文、攝影：娟娟