按摩服務大部分都係靠技師一對溫柔玉手進行，點解我話大部分？因為有小部分唔使用手，而係用女技師嘅驕人雙峰做推拿按摩吖嘛！而最近，內地有足浴按摩店嘅技師就兩樣都唔用，咁唔通用對腳？唔係，係用把口！
內地嘅桑拿按摩店近年開到成行成市，去到深圳、東莞等一帶，幾乎每條街都有幾間，簡直就係遍地開花，所以吸引好多港人北上享受按摩，以達到消除身心疲勞嘅目的。當然，其中有唔少按摩店有色情服務，對於一心出火嘅男士更加相當方便。除咗上述兩個地方有大量按摩店之外，按摩店嘅潮流漸漸北移，不過就以足浴店為多，因為設備唔需要咁多，地方又唔需要咁大，開設更為簡便。最近，連新疆亦有大量足浴店出現，當中仲有一間標榜「特色服務」添！呢間足浴店位於新疆攬秀園西街一間樓高兩層嘅大廈，為咗吸引客人幫襯，於大廈嘅外牆就掛咗一幅高一點五米，闊四米嘅廣告海報，上面寫住「新開張喜慶按摩10元、推油28元」睇落簡直係抵到爛！
廣告海報除咗以10蚊按摩作招徠之外，仲寫有「最新推出：口含式按摩、舔式按摩、特色洗浴以及中藥浴足按摩、冰火按摩、木桶浴」，當中口含式按摩同舔式按摩就最為惹人注目，因為兩種服務都係由女技師全程用把口同蛇舌游走下半身所有部位嘅皮膚表面作按摩！有消息指出，呢間足浴店面積唔大，一入去就見到一條長長走廊，走廊兩側每邊都被間成七、 八間細房，享受各種服務都係入房進行。而未入到足浴店，門口就已經有幾個身穿性感吊帶裝嘅女人不停拉客，仲會向途人講解服務內容同收費，單一按摩就好似海報所講咁單鐘收費10蚊人仔，至於要享用特色服務就收一百二十八蚊，呢個收費就已經包括舔式按摩，即係由女技師用把口做按摩，同深圳一帶嘅邪骨場收費相若。
撰文：賢