轉行跳艷舞

今年22歲嘅Kyoko，入咗行快將三年，由於自小習舞，所以身體十分柔軟，一扭動蛇腰，真係寧舍養眼，睇過佢演出嘅朋友，都一定畀佢嘅肢體動作，搞到你血脈沸騰，所以就算身材只得33B，但一樣有大把粉絲，睇佢屹立到三年就知道唔講得笑。

但自舊年年底喺佢個Blog裏面，Kyoko就宣布會喺AV界「卒業」，講完之後就再冇更新個Blog，粉絲們都意識到Kyoko一係引退，一係就會向其他方面發展，而當時好多人都諗佢會去做脫衣舞娘，於是好多粉絲都翻查脫衣舞店嘅預告，但竟然一啲有關Kyoko嘅消息都冇。

不再打格仔

大家都覺得好奇怪嘅時候，四仔片公司Cat Walk Poison，就推出Kyoko嘅新片預告，而且發片日期更定喺2月10日，粉絲當然大喜，Kyoko轉拍四仔，佢哋只要花少少錢就可以一睹Kyoko嘅真身，個個都十分興奮，爭相喺網上發放消息替佢做勢。

而一啲碟評人就大跌眼鏡，認為以Kyoko嘅人氣度，喺AV界繼續撐多兩三年都絕對冇問題，但咁快就趕住拍四仔，以明刀明槍真身示人，認真估佢唔到，但亦有評論話Kyoko近年嘅作品，都同拍四仔差唔多，全部都係高難度嘅動作，只係多咗啲格仔，家陣唔打格仔，話唔定仲可以學小澤瑪利亞咁衝出日本，打開國際巿場添，Kyoko既然選擇咗落馬拍四仔，惟有衷心祝福佢前程錦繡啦！

撰文：小德