陪同返鄉

所謂人望高處，邊個人唔想搵大錢，特別係內地身處窮鄉僻壤嘅人，更加鍾意去大城市打工，唔使喺屋企耕田咁辛苦又搵唔到錢。而每年年尾，好多呢類打工仔趁有假放，回鄉探親，同時買番多少禮物送畀家人。不過，有時禮物都係其次，年老嘅父母其實都係望阿仔早日成家立室，可惜，家陣無論內地定香港嘅女仔眼角都好高，邊有咁容易搵到老婆呢？有見及此，有唔少單身又唔需要返鄉探親嘅女仔，就決定獻身做出租女友，幫助搵唔到女友又要返鄉見父母嘅男士，等佢哋有個臨時女友做吓樣，讓父母高興一下。

等同援交

然而，呢類出租女友有時都唔只係同客人拖下手仔咁簡單，當中涉及特殊交易。原因係部分出租女友嘅真正身份係夜場囡囡，亦有部分係援交女，陪同客人返鄉途中，時間頗長兼悶局，所以之前都會講明自己可以提供特別服務，以慰客人寂寞的心。換言之，即係同援交冇咩分別，只係相處嘅時候較長咁解。而出租女友陪返鄉下嘅費用一般為八百蚊一日，如果要加埋特別服務就要每次額外收費，有個臨時女友陪玩，旅程冇咁悶，而且仲有得曳曳，所以出租女友對於唔少單身男士極之有吸引力。

撰文：賢