大隻B：因為經常北上玩樂，同一間夜總會嘅媽咪相當熟落。初時我哋只係講吓電話，睇吓有冇囡囡推介，後嚟有次上去由於冇女關係，所以嗌佢陪我一齊玩，點知飲大幾杯後就上咗床。其後我每次上去都會去佢屋企過夜，而佢就好似老婆咁，煮飯又幫我洗衫，而我又好開心，唔知咁算唔算沉船呢？
高佬：你呢啲梗係沉船啦！因為沉船嘅定義，就係你鍾意咗啲歡場囡囡，唔單止對佢難捨難離，同時又好享受同佢一齊嘅感覺，所以我好肯定你係沉船。不過話說回來，你有冇諗過以後同佢嘅關係係點先？如果真係想有長遠發展嘅話，就叫佢早啲上岸，咁就冇咁煩惱。
C君：由於你畀啲資料唔充分，故此好難話你係咪沉船嘅。因為我唔知你係咪每個禮拜都要上去，又係咪日日都會傾吓電話。如果上述兩項都做埋嘅話，我就可以好肯定話畀你知，你一定係沉咗船。其實沉船都冇乜所謂，最緊要係你開心啫！
笨占：只要一日佢未上岸，你哋嘅關係始終唔係長久。好似我咁，以前都曾經沉過船，後嚟囡囡背住我繼續喺夜總會度做，結果我咪飛咗佢囉，我勸你都係及早回頭啦！