換經理人

先介紹吓竹內愛，佢06年出道，唔經唔覺就快踏入第四年，算係長時間都保持到人氣嘅女優，樣子自出道至今都係走清純路線，就算拍啲極淫亂嘅片種，佢都係以一身純情少女造型見人。身材方面，可以話更唔輸蝕，身高5呎5吋，上圍更有35F級，絕對係「童顏巨乳」嘅代表，原本走勢十分強勁，曾經一度威脅到啲阿姐嘅位置，但自從由H.M.P.轉會之後，就一直再彈唔到上去。

而與新公司嘅合約好快又到期，大家都好擔心佢去留嘅時候，網友竟發現佢嘅Blog，竟然有好幾個月冇更新，更惹來大家嘅猜疑，猜想竹內愛會唔會靜靜哋引退AV界呢？經過日本當地碟迷嘅查找，終於搵出答案，原來竹內愛決定更換經理人公司。

收番個名

據講竹內愛一同公司鬧翻，有傳言話公司唔畀佢再用「竹內愛」嘅名出嚟搵食，事關呢個名係經理人公司畀佢嘅，所以一分手就連名都唔畀用，睇嚟呢單嘢都幾頭痕，唔係短時間可以解決得到。

要妥善解決問題，最為關鍵就係睇新經理人公司，會唔會接竹內愛呢個燙手山芋，如果肯接手嘅，自會妥善處理，如果冇人肯接手嘅，竹內愛只得改名或者真係焗住引退，後者當然大家都唔想，萬一真係要改名，粉絲們要記住佢個嘜頭，咪搞錯呀？

撰文：小德