出盡法寶

宅男喺日本有增無減，但衰在佢哋收埋好多錢，加上正常人自然有性慾，「職業拍拖妹」由此應運而生。東京風俗店為打呢班有驚人潛力嘅「男人」主意，近年積極發展網上主動勾搭宅男作不道德交易，而比較出位嘅可算係一間叫「戀愛白書」嘅風俗網，網內嘅「職業拍拖妹」統統都係裝扮得超可愛嘅妹豬，擺出不同甫士，且衣着極度性感，唔單止咁，為求能令電腦前嘅宅男心動，除寫真照外更有自拍短片，主要係突出囡囡優點，例如其中一位叫香織囡囡，佢自言最煞食係屁股部位，白滑圓潤，所以兩分鐘短片內集中Sell籮，肯定睇到宅男心花怒放。

所費不菲

宅男揀好囡後，囡囡就會出動到府上，然後同人客傾偈食飯，然後正式開波。咁拍拖呢？剛才都話明係包裝，梗係唔會同你出街睇戲啦！之不過網站表明，人客與囡囡溝通期間，囡囡會為人客製造開心，講吓潮流電玩、爛Gag，甚至有味笑話，務求令人客開心之餘，更感到有人關心，最後過程中學識「溝、通」技巧，搞完收工。呢個「職業拍拖妹」使費都唔少，60分鐘執劑包雜費盛惠3800港元，奉勸你唔係宅男咪亂試呀！

撰文：祖