廿幾年前內地啱啱開放冇耐，香港玩家北上玩樂，只要拎張金牛出嚟，就已經勁威！下至侍應，上至經理都當你係上賓，而囡囡更加唔使講，叫佢剝光豬畀你就地正法都冇所謂，打後十年可以話係香港玩家最風光嘅日子。不過依家時移勢易，香港玩家嘅地位唔同咗，好多時夜場情願招呼內地玩家，都唔願意理你哋班港客。無他嘅，邊個叫佢哋咁有米呢？
話說早幾晚同班老友返內地夜總會玩，點知喺房度坐咗半粒鐘，媽咪都未帶囡囡入嚟，後嚟帶入嚟嘅女，質素雖未到豬扒級，但一般人都唔想揀嗰隻。媽咪話隔籬房有個內地客揀緊女，叫我哋等陣先。喺我印象中，隔籬房嚟遲過我哋，點解佢哋會揀先呢？媽咪笑而不答，只係叫我哋等吓，於是我就走過去睇吓。喺門口一睇，即刻明白點解！原來個所謂有錢佬，喺枱面度擺咗幾疊紅底人仔。冇錯，係幾疊！只要入親去都可以拎幾張紅底走，難怪媽咪招呼佢哋先。呢個情景令我諗起十幾年前嘅香港夜場，惟有慨嘆風水輪流轉。
撰文：大軍