玩到厭倦

脫星改形象，只得兩個原因，通常係當事人撈極唔掂，又或者轉型更受歡迎。之不過現年25歲、出道四年嘅脫星Amy Reid就兩樣都唔係，純粹阿妹自己玩到厭，要轉一轉型衝擊吓喎！雖然呢個動作係好新鮮，但咁激嘅轉型想返轉頭就好難，相信當事人都心裏有數。「我當然知道覆水難收，但再『純情』下去，我真係投入唔到，話實我已喺四仔界超過四年，性經驗已係一個普通人一生嘅總和！」

有得有失

Amy Reid的確無吹水，統計佢歷來嘅四仔作品，未計精選以及做「大茄」角色，阿妹已推出138部作品，平均每年推出35部，都咪話唔誇張，再繼續喺床上扮「純情」，觀眾睇到都想嘔，之但係唔演唯美角色，都可以扮癡女，毋須去到咁盡玩性虐啩？「我當然最清楚啦！但市場上確實太多癡女脫星，最為人熟悉嘅大家姐Jana Haza，近年走勢都麻麻，若然我再走呢條路，我認為唔變仲好！」Amy Reid講得非常有理，兩年前連後門都開埋，奈何反應一般，而經理人亦覺得，憑阿妹嘅外貌及身材，非常適合演性虐角色，但影迷就表明唔再支持Amy Reid咁話。面對咁嘅環境，Amy Reid處之泰然。阿妹話：「有得必有失，即使我唔變，亦會因日久生厭而流失影迷，相反作出改變，則會增加新影迷，因此只要我鍾意就無所謂！」

Amy Reid Profile：

出生日期：1985年4月15日

三圍：34DD-23-35

身高：5呎7吋

撰文：祖