撰文：小德

悲慘一生

穗花今次嘅第二本作品，揚言寫嘅係佢前半生嘅故事，咁即係一本女優嘅自傳啦，除非佢爆咗好多AV界不為人知嘅黑幕，否則都唔會引起全城關注，但穗花今次嘅作品，竟然未出街先轟動，究竟本書寫咗啲乜嘢內容，咁吸引讀者嘅眼睛呢？

原來本書嘅內容極之出位，而且峰迴路轉，就內容介紹裏面講，穗花一出生從未見過自己嘅父親，三歲至有屋住，五歲就畀人誘拐，七歲到十五歲嘅平常女生過着花樣年華嘅生活，但佢就飽受家庭暴力，之後想自力更生，好辛苦才搵到一間經理人公司肯幫佢出唱片，但點知畀人騙財騙色，交個朋友，又畀人出賣，識個男仔，又畀人暴力禁閉，最後咬緊牙關終成AV天后。

懷疑真偽

單係聽呢啲內容，就已經十分出位，而且極盡AV片嘅元素，故事發展更係起承轉合，畀一般個人傳記精彩好幾千倍，有網友稱穗花嘅故事，足可稱為「AV版阿信的故事」，但亦由於太過精彩，所以有人懷疑故事嘅真實性，如果全部係事實，咁穗花嘅前半生只可以用「悲劇」嚟形容，但如果係假嘅，咁就唔應該稱為自傳，但有人就認為寫自傳冇話唔可以藝術加工，於是引起激烈討論。

穗花當然冇出嚟回應，難得大家議論紛紛，到出售時一定會引起轟動，增加銷量，佢樂得大家繼續討論，講番佢近年做咗好多工作，都好識得造勢，令自己增加曝光率，所以成為AV女優轉型後最成功嘅例子，相信今次亦有可能係佢嘅精心部署！