阿德：好多女人話，男人天生鹹濕，計我話女人都一樣，咁講梗有原因，好似我女友咁，拍拖一個禮拜已經叫我去佢屋企，當晚佢仲主動撩我開波，而且喺整個過程都由佢做主導，雖然得到發洩，但感覺就好似畀人強姦，真係一啲都唔過癮。最近女友更經常要求同我做愛，老實講，小弟實在唔習慣呢種性生活，究竟我應唔應該同佢分手？
阿強：好明顯你女友對性充滿好奇心，以及擁有極大嘅慾望，但要解決問題，單方面去想係冇用嘅，只有互相溝通多啲，心平氣和去商討解決方法，方為上策。
Kennth：某程度上，我都幾羨慕你，事關我女友喺床上面剛好相反，每次做愛都非常被動，甚至只懂攤喺度。你知啦！做愛應該靈慾合一，吓吓講到出口，仲邊有癮呀！不如你介紹你女友畀我識啦！
穎兒：我覺得你女友應該係一個精力過分旺盛嘅人，所以建議你可以帶佢出去做吓運動，好似跑步、打網球等，務求將體力都發洩出嚟，再唔係就利用性玩具幫手，咁你就唔使咁辛苦啦！