銀行女職員

男人有好多性幻想，例如想食女上司、搞女秘書，甚至樓下餐廳嘅收銀妹豬，家陣唔再係得個諗字，事關佢哋好可能都係風俗娘。關東一間名叫「Club Iris」嘅風俗店，最近就將旗下囡囡推展至網上，方便各行各業「用家」。據稱佢哋有超過五十個行業嘅兼職囡囡，暫時佔最多嘅係銀行女職員，其次係大型企業銷售員、美容師、診所護士，甚至AV女優都有，而為求真實，部分囡囡更會於寫真內賣全相。

如願以償

據網站表示，為保障人客及囡囡，所有人客必須先成為會員及繳交十萬日圓保證金，經認證後方可參與活動。成為會員後，人客就可登入網站挑選合心水囡囡。玩家松本喺網上討論區留言自稱係一位企業部長，終日對女秘書有性幻想，今日終於得到解決！松本話：「我對女秘書產生性幻想超過五年，一直都不敢對下屬表白，怕畀對方控告性騷擾，其後喺Club Iris內發現有真實女秘書玩，一經接觸後發覺佢哋真係女秘書，更有職員證，連行為亦相當一致。多得風俗網使我不至做錯事！」松本嘅表白亦係大部分玩家嘅心聲，亦有唔少嫖友貪囡囡夠乾淨，冇一眾風俗娘嘅風塵味！

代價不菲

而兼職風俗娘則認為自己並非賣淫，佢哋認為只屬「心靈輔導」工作者，幫助時下受工作壓力嘅男士紓緩壓力，因此佢哋以「心靈治療師」自居。不過呢種輔導所費不菲，120分鐘服務要收四萬日圓，約港幣三千四百多元，仲未計各項雜費，因此要玩到各行各業嘅高質囡囡真係一啲都唔容易！

撰文：祖