肥豬王:我一向都追求自然美，女仔個胸生得大就大，細就細，其實唔需要刻意去谷，谷咗反而存在多少欺騙成分，搞到我覺得唔真實。曾經試過遇到個女仔個胸好大，但係上床嘅時候一解開胸圍，先發現相差太遠，搞到我心情跌到落谷底。

BB女:我平時都有用胸墊托高個胸，無他嘅，咪係為咗吸引男人望多兩眼囉！因為我知道，一個女仔即使個樣唔算靚，但係如果有條乳溝露吓，一定可以引誘到男人將焦點集中於自己身上，咁樣溝仔都易好多o架！

小胖胖:我都唔鍾意谷胸，因為我本身個胸太細，夾硬谷只會整到自己個心口好痛。而且，識我嘅同事及朋友一向都知道我冇身材，如果突然谷大個胸，一定畀佢哋睇出，繼而笑到我面都黃埋。