突破極限

板垣梓喺08年出道，加入SOD開始做AV女優，但原來佢04年就已經進身藝能界，喺周刊嘅選美比賽中，打入四強位置，最後雖然三甲不入，但好彩遇上好嘅經理人，將留住短髮、成個男仔頭嘅板垣梓，送去峇里島拍咗佢個人嘅泳衣寫真，正式躍身寫真女星嘅行列。佢自小就以做明星為夢想，但做寫真女優，要留住讀者，就要不斷突破極限，例如接受全裸拍攝。

到咗07年佢更宣布參與AV演出，喺11月正式加入SOD，大約一月推出首張個人作品，由於挾住藝能人嘅身份，所以成績不錯，加上SOD嘅營銷策略出名好嘢，好快就打造板垣梓為偶像級女優，喺08年更以銷售成績，一躍成為公司中嘅一姐。

意料中事

經過兩年時間，一共出了五十部作品，粉絲人數堪稱行中之冠，板垣梓突然宣布卒業退出AV界，好多人都大感意外，特別係佢啲粉絲，得知消息後紛紛喺網上留言，要求板垣梓唔好忘記佢哋，但亦有碟評人話係意料中事。

由於板垣梓一心喺藝能界發展，所以AV界只係佢嘅踏腳石，而且自佢成為一姐後，經常出席電視台節目，由於表現出色，同時吸引唔少家庭觀眾，要轉營發展，相信係最好時候，而SOD方面亦早知此事，所以喺今年嘅公司選舉中，馬上力捧新人原紗央莉當上阿姐位置，等佢頂替板垣梓負責公司領軍，種種迹象顯示，都知道板垣梓快將離開，家陣宣布埋，惟有祝福佢前途似錦啦！

撰文：小德