問：有個舊相好喺長安，周不時都約我上去捧場，最近一次過去，佢話遲啲要返老家過年，之後可能唔打算出嚟，佢問我點睇？我當然有啲唔捨得，於是咪叫佢休息吓都好嘅。佢話都想休息，但手頭冇錢，跟手又問我點算喎？請問我應該點做呢？
答：咪理啲女啦，一到年晚，佢哋就會想盡辦法咁搵錢，事關佢哋大多數都要返鄉下過年，手上冇錢，就會冇面，所以喺剩低嘅日子，會出盡辦法咁去搵錢，一來就猛叫熟客幫襯，二來就向佢哋猛落噱頭，又話窮，又話自己命苦，乜都噏得出。
有啲客人耳仔軟嘅，有可能畀好幾千蚊，等佢哋返鄉下過年，特別係話唔想再做小姐，想重新做人嘅，好多客人都會好撐佢哋，一擲千金，再唔係就講到死人冧樓，家人等住錢醫病讀書，客人不虞有詐，大多會傾囊相贈，最少嘅都可能畀一兩百蚊。
所以好多有經驗嘅北行師兄，呢段時間唔會見啲舊相好，免得畀佢哋「度水」，畀又唔係，唔畀又好似好小器，其實佢哋肯喺床上表現好啲，打賞嘅貼士，都有呢個數啦！使乜嚟呢一招呢？
撰文：小德