問：每次返內地梳乎，都好鍾意去東莞厚街嘅某間夜總會。由於經常去關係，同當中一個靚女媽咪變得熟落，偶然會同佢傾吓電話，甚至會約佢出嚟食飯。唔知係咪接觸多咗，同了解多咗關係，竟然有啲鍾意佢嘅感覺。不過據講佢係小姐出身，但依家已經唔再陪客，反而想搵個歸宿，究竟信唔信佢好呢？同埋現實中，究竟有冇人試過有好嘅結局呢？
答：又係一單沉船事件。其實呢個屬於感情嘅問題，好難為你解答，事關每個女人下海嘅原因都有分別，但歸根究柢，佢當年願意拋個身出嚟，無非係為咗錢。故此，如果你想同佢有長遠關係嘅話，就一定要從經濟着眼。好似我識得個朋友咁，佢同你一樣識得個夜場女仔。起初都會講感情，但時間耐咗，錢銀問題便逐漸浮現，女嘅唔想喺夜場做，想轉工卻因學歷及經驗而難搵新出路，但男方卻冇錢養起佢，最後女嘅偷偷地出番嚟做，最後仍是分手收場。可見，愛情如果冇經濟作為基礎嘅話，始終唔長久。
撰文：阿豪