酒吧街玩得癲

隨住內地經濟發展一日千里，連帶夜生活亦愈來愈精彩，就好似同香港距離甚遠嘅西安咁，夜生活同樣豐富。雖然西安並唔係長安、常平等地方咁多夜總會同桑拿，但係西安人嘅娛樂活動絕對唔輸蝕，因為當地出現咗一條酒吧街叫做新樂匯酒吧街，呢度就好似我哋香港嘅蘭桂坊一樣五光十色，不過，由於西安地方夠大，所以每間酒吧都相當寬敞，直情有大型夜總會咁闊落，亦因為咁，佢哋要搞大型活動更加輕而易舉。

至於有咩活動搞呢？早前曾經出現過睡衣派對、兔女郎之夜、女僕之夜等等，吸引當地人以及遊客參與。呢一類主題活動不但夠噱頭，仲玩得相當放，皆因當地生活指數唔算高，所以活動嘅入場費一般都係男人收一百蚊人仔，女人仲係免費添！慳到嘅錢就可以盡情豪飲，飲得多自然玩得High，因此活動當中大都會見到男男女女玩得鬼咁熱情開放，要溝女的話真係要多多參與喇！

舞蹈員可問價

最近，西安新樂匯酒吧街就出現咗一個別具特色嘅活動，就係絲襪派對之夜。點解要係絲襪呢？因為有人認為絲襪代表火熱放縱嘅內心，仲話着住絲襪嘅女仔必定玩得更放更激喎！呢個絲襪之夜屬於一個大規模娛樂交友活動，歡迎男士們拖住大班囡囡參加，如果囡囡可以着住絲襪出席，除咗免收入場費之外，仲可以獲得一份神秘小禮物。由於盤口咁筍，所以吸引好多少女着上絲襪參加。

除此之外，為咗回應主題，主辦單位仲邀請咗大量性感女舞蹈員，齊齊換上黑絲襪上台表演，佢哋個個都腰幼腳長，配合誘惑嘅黑絲襪於台上大跳火辣舞步，絕對令現場氣溫大大提升！睇到成個人都熱晒，當然要搵個地方發洩一下啦！有消息指出，原來台上嘅女舞蹈員好多都有副業，只要向現場嘅經理詢問一下，分分鐘可以知道邊個舞蹈員可以提供特別服務，而收費大約為八百蚊人仔左右，值唔值得就睇個人喜好喇！

撰文：賢