騎呢扮相

據了解，呢次鋼管舞比賽於加拿大多倫多一間高級私人會所內舉行，較早前已經進行一輪初賽，喺決賽當晚，共有十二位職業舞孃爭奪冠軍寶座。為咗以示公證，大會更邀請咗幾位專業鋼管舞教練擔任評審。至於評分方面，除咗跳舞技巧及難度之外，仲會留意參賽者嘅衣着打扮及表演嘅娛樂性有幾高，綜合多項分數之後，先會知道邊位索女能夠獲勝。

呢班舞孃嚟自美國及加拿大各大夜店，位位都有多年「舞齡」，可謂相當有實力，而且經驗十足。此外，為咗吸引眾人目光，佢哋更以騎呢嘅扮相出場，好似籃球員、賽車手、曲棍球員、埃及女王等，據知好多索女身上嘅舞衣都係特別訂造，部分人更帶埋相關道具上台，認真有心思。

濕身誘惑

扮相夠突出，確實可以增加分數，之不過舞技仍然係得分嘅主要關鍵，一眾索女非使出渾身解數不可，爬桿、倒吊、擘腿、扭身扭勢等招式只係基本舞步，要突圍而出，梗係要再激啲啦！好似有部分人故意走到台邊，做出拱橋、一馬字等動作，讓觀眾及評審都能夠喺更近距離嘅情況下欣賞自己嘅胴體。之不過咁都未算最激，事關有啲更加豪放嘅索女實行邊跳邊剝衫，剩得一條T-back內褲，露出堅挺雙峰、渾圓臀部，之後仲要趴地玩自摸，甚至以啤酒淋身去營造濕身誘惑，相當瘋狂！

經過激烈比賽，最後由二十六歲嘅Celine奪得冠軍，捧走五千美元支票。據知，呢位索女嚟自瓜地馬拉（中南美洲國家），三年前開始喺夜店工作，對於呢次獲得冠軍，Celine表示感到非常開心滿意外，更希望來年有機會再參賽咁話。

撰文：娟娟