返璞歸真

喺日本，由於各式各樣嘅刺激性玩意實在太癲狂，連嫖友都認為食到厭要清清腸胃，可惜多年嚟都苦無出路，令不少玩家都拒絕再玩，變相令市場萎縮，有人就諗出一種以伴遊形式嘅「出張」服務，即係由一位樣貌淳樸囡囡，喺指定時段陪同人客遊覽當地名勝古蹟，過程溫柔浪漫，令人有種跟戀人拍拖感覺，之後去酒店搞吓「手作仔」，食埋個晚飯至收工。

五味散步

呢種「散步達人」嘅玩法，喺中港澳肯定唔Work，但喺日本就非常受落，而且囡囡被稱為達人，因此對散步路線必定要相當專業，就以一間提供「散步」服務嘅網站顯示，暫時提供包括東京銀座、台場、淺草三條不同風格路徑。銀座大家都知道係瘋狂購物、衣食喪玩樣樣有，假如人客想有女陪伴買衫睇戲，享受拍拖感覺，呢條路線就最啱。至於台場嘅海濱公園、海風公園等必定係拖友好去處。另外，網站更教授人客玩「散步」秘笈，就係要用「五味」享受，分別係視覺（欣賞囡囡外貌及勝地）、聽覺（聽對方講甜言蜜語）、嗅覺（感受女人香）、味覺（囡囡陪食）以及觸覺（囡囡手技），集合五味，肯定回味無窮！

最貴路費

人客只要選好遊覽地點、日期、時間以及囡囡後，伴遊就會按時出現，你可要求囡囡作導遊沿途介紹，但醉翁之意，最重要都係臨尾兩個鐘，事關伴遊會上房為人客提供「手作仔」服務，整個過程確實好有戀人Feel，不過代價不菲，頭60分鐘收10,000日圓（約港幣840元），玩一日要畀唔少錢，相信係全球最貴嘅「路費」囉！

撰文：祖