早排睇新聞，話上海就嚟世博，有地方組織為咗推動英語普及化，便推出一種以國語拼音嚟講英文嘅手冊。雖然內容搞笑，但亦睇得出內地愈嚟愈重視英文發展。不過最令大軍估唔到嘅係，夜總會竟然有類似嘅英文手冊！
話說早排同個外國老友到內地旅行，老友勁想到夜總會見識，咪帶佢去間夜總會玩。由於老友喺外國出世關係，只係識得講英文，國語只係識得幾句，故此等老友揀咗女後，便充當佢同囡囡間嘅翻譯。雖然話有朋自遠方來，好應該盡吓地主之誼，但長此落去我真係唔使玩。呢個時候，陪老友坐嘅囡囡突然同佢講英文，即刻嚇到我呆咗！
以為佢讀過幾年英文課程，但聽真啲，佢啲英文勁怪，讀音似是而非，就好似以前通勝裏面嘅英文拼音咁。問囡囡點解啲英文咁怪，佢就從手袋中拎咗本書出嚟，報稱係夜總會派畀佢哋嘅英文手冊，而裏面寫滿大堆旁邊附有中文字嘅英文句字。只要用國語照住啲中文字嚟讀，就會好似講緊英文。問囡囡點解夜總會有咁嘅手冊，囡囡笑稱因為夜總會不時有外國客人，為咗做到賓至如歸，便對囡囡進行英文訓練。雖然老友仍然唔係咁聽得明，但總比溝通唔到好吖！
撰文：大軍