身體不適

《黃帝內經》裏面話：「能知七損八益，則二者可調，不知用此，則早衰之節也。」意思係話如果大家明白此道，就可以令身體健康，性生活愉快，但如果唔識運用，就會加速身體衰退，百病叢生，而所謂七損就係七種不應再進行性行為嘅情況。

咁七損究竟係邊七種情況呢？喺《天下至道談》中講得好清楚，「一曰閉、二曰泄、三曰竭、四曰勿、五曰煩、六曰絕、七曰費。」咁具體係乜東東呢？馬上同大家逐一解釋。何謂閉？閉就係閉塞，係指男士性交時無精可射，主要原因係精道不通，性交時或之後，陰莖會出現痛楚，就叫做內閉，咁嘅情況明顯係生殖器官出現問題，記住千祈唔好性交。

顧及健康

二曰泄，就係做愛時，如果每次都做到身水身汗，咁樣會令陽氣外洩，而且容易感染風邪，影響健康；三曰竭，同樣係做愛時無法射精，情況係因為本身性生活不知節制，所以精液虛耗過度，於是出現「竭」嘅情況；四曰勿，就係舉而不堅，出現勃起障礙，咁嘅情況都係不適宜性交；五曰煩，呢個情況係指兩樣人，一就係性交時氣促氣喘者，二係本身心煩氣躁者；六曰絕，如果伴侶未有心理同生理準備，而男方強行性交，就會讓女方帶來痛苦，因而產生反效果，這叫做「絕」。最後係費，就係男方性交為求一洩，草草了事，咁都係唔好嘅。

古代房中術認為，如果出現以上七種情況，男士都不宜進行性行為，有病就應睇病，心理問題就要改變，否則繼續進行，只會令身體，甚至心靈受傷，大家記住咪制呀。

撰文：小德