出道瓜柴

白咲舞今年21歲，身材只屬一般，上圍只得33吋，好多大乳迷都會望而卻步，而且樣子亦唔算青春無敵，嚴格嚟講屬「輕熟女」，要佢扮青春可人嘅偶像女優，注定會令人失望，所以佢第一張碟，就算宣傳鋪天蓋地，最後亦難逃慘敗嘅命運。

白咲舞出師未捷，隨即畀公司罰坐冷板櫈，成幾個月冇新片開，好在白咲舞勝在皮膚夠白，寫真相喺網上大受歡迎，網友一致叫好，公司至考慮再替佢發碟，而白咲舞今次學精咗，再出新碟決定唔走美少女路線，改走實力派，專拍癡女嘅角色，近排癡女都係由「小麥色」女優嚟演，家陣由一件雪肌美女嚟演，觀眾充滿新鮮感，竟然畀佢鹹魚翻生，一躍成為公司銷售榜嘅頭三位。

第一次喊

喺秋田縣出生嘅白咲舞，報稱自己17歲失身，至於失身對象，一般都係男同學，但佢好唔同，佢話自己係個追星族，其中有隊佢好喜歡嘅樂隊，有次畀佢結識到個鼓手，之後就失咗身畀佢。至於點解會下海拍AV？佢話有日遇到個經理人，猛游說佢演出，之後仲帶佢去現場，畀佢發現原來拍AV係好專業嘅，於是喺半推半就下簽咗約，當第一次演出之後，佢仲喊咗出嚟。

白咲舞喊並唔係後悔簽約，而係佢乜都唔識，竟可以喺男優嘅教導下完成拍攝，佢即刻感動到喊，證明阿女整定食呢行飯，相信只要再努力，定唔難躍升為公司嘅一姐，而且呢個雪肌女王有大把公司目及實，有機成為AV界嘅阿姐級人馬添。

撰文：小德