問：我跟同事返過深圳玩過一兩次，我朋友嘅內地女友，自此成日都打電話落嚟叫我上去玩，仲話有好多靚女介紹畀我，我返過一次，第一晚認識就拉我入房做愛，事後我問朋友使唔使畀錢條女，佢話唔使，究竟係啲女仔隨便？定仲有乜原因呢？
答：好明顯係放長線釣大魚，你老友嘅女朋友，九成都唔慌係正經人家，所以佢啲朋友亦都好人有限，唔係做小姐嘅，就係做人情婦二奶，一般朋友介紹嘅囡囡，都會係後者，因為明買明賣，好多人都情願喺夜場揀，好過自己帶飯盒，搞到周身唔聚財，而呢啲有人包養嘅二奶，點解仲出嚟溝仔呢？一般都係同寂寞有關，難得有個靚仔送上門，佢又唔缺錢開飯，咪同你打場友誼波囉，如果你打完就算，當然冇問題，但如果你念念不忘，就會「沉船」，於是繼續搵佢，起初有免費餐食吓，之後咪又變成佢其中一張長期飯票囉！因為呢啲專業二奶，手頭上隨時可能有四五個「老公」，只要安排好時間，要應付四五個男人容乜易，畀起做小姐，一個月應付幾十人，輕鬆好多架啦，所以奉勸閣下千祈咪「沉船」呀！
撰文：堅