女黑俠：我男友係一個肥仔，可能因為體重關係，令身體負擔太重，所以每次做愛都會出到成身汗，好多時要等我幫佢清潔，而清潔期間佢已經瞓到成隻死豬一樣，真係好冇情趣o架！

肥螳螂：其實我每次做完愛之後都覺得好攰，但係我知道好多女仔都唔鍾意男仔一做完就即刻瞓，需要男仔攬住佢哋傾吓偈，最好係等佢瞓咗先至好休息，所以我即使覺得好攰都會咁做，否則第二朝一定畀佢話我唔關心佢，最難聽嘅就係「你自己開心咗就算啦！唔使理我啦！」

小喜喜：同男友做完之後，一定會即刻瞓，因為我本身經常出現失眠情況，但係每次做完之後可能因為體力有所消耗，所以特別容易瞓着，而且仲瞓得幾甜。雖然男友話我太懶唔起身沖完涼先至休息，但係我都一於少理。