問：有朋友經常北上話可以食到啲處女網友，究竟係咪真呢？我家陣手上都有幾個女網友，大家傾得幾好，但全部都喺大江南北，佢哋就話好歡迎我去玩，有啲仲話畀埋間房我住，我究竟上唔上去同佢哋見面好呢？請師兄解決一吓我嘅疑難？
答：其實玩交友網，要識女仔有幾難，難在你唔清楚佢嘅為人，以前有好多仲係男扮女裝，喺網上招搖撞騙，家陣有視像頭，你可以見到樣，咁都冇咁大劑，但佢哋嘅為人係點就真係冇人知，內地有好多宗與女網友私下見面嘅新聞，女網友主動話約你見面，有啲仲用埋色誘添，當你去到佢哋嘅地方，女網友仲會主動帶你返屋企，以為可以一親香澤，點知實際夥同匪徒禁錮搶劫，輕則打一身，兼且損失財物，嚴重嘅有人瓜埋老襯，認真唔值得，所以要上去見網友，真係咪一個人話上就上，隨時人間蒸發咗都唔知，最好就係同朋友一齊上去，之後見面，對方真係絕色佳麗，亦都便宜莫貪，千祈咪跟佢哋返屋企，真係情到濃時，開間似樣啲酒店房，對大家都有保障，佢跟你返房，老屈強姦都有得解釋吓，跟佢返屋企就冇人救到你啦！
撰文：堅