最近同兩個多年老友北上，去到夜總會齊齊揀一件戰鬥格嘅囡囡，準備大戰三百回合，未返房大戰之前，大家就去酒樓用膳，由於準備大戰連場，所以老友都點一啲補身嘅食品，乜嘢蛇羹、大鱔、山瑞、雞子、生蠔等，叫到一枱都係。老友仲兼唔夠補，見酒樓有自釀藥材補酒供應， 淺嘗細嚼一小杯之後，每人打多三両，老友仲同囡囡玩起猜枚，更用藥酒嚟猜，輸咗要飲一小口，我對中醫認識有限，但用藥酒嚟鬥酒，好似有啲問題。
但見佢兩個玩得咁開心，大家都冇阻止，最後佢哋再飲多三両，於是齊齊返房做應該做嘅事，點知當我哋沖緊涼嘅時候，隔籬房囡囡慘叫，原來朋友昏倒地上，我哋即時送佢去醫院，醫生話血壓過高引至休克，所以補酒補藥嘅嘢，真係要適可而止。
撰文：大軍